گینه قلبیم توتولوب٬ یازدی قلم غم سوزونی
چکیلوب شعلیه دفتر٬ بورویوب یاش گوزونی


اوقدر درد چوخالیب٬ درد لره درمان گزیروخ
ظاهرا بیز بشروخ ٬ با طنا حیوان گزیروخ


تا کی بیر کس دیریدی٬ بی خبروخ ایلرینن
وای اولنن سورا ٬ الرده گیدور شوکتینن


گوجیا حرمتیمیز یوخ ٬ نه د ده ٬ نه ننیه
حقی وار گوده کی الله دا بیزه قیض الیه


ای بشر گوزلرون آچ٬ منزل آخر هارادی
اولماسون صالح عمل٬ قبرون اووده قارادی


چاغیر الله وی وجدانوی سن ساتما پولا
دنیادا گر سنون اولسا ٬ گره دنیاده قالا


راضی اول ٬ الله یازان تقدیره سن ایتمه گله
الله هی یادان چیخاتسون سن دوشرسن مشگله


سن دنن سنگ صبور دنیا فقط بیر باغچادی
پهلوانار ٬نوحیلر٬ سلطان ٬ گدالر٬ هاردادی
جواد الماسی