عشقون کی منیم٬ صبریمی آرامی می آلدی
مجنون الییب چولره٬ چولدن چوله سالدی


آهو باخیشون گوزلریوی گورسه کی هر کس
دیوانه اولوب عرصه ده حالدان حالا قالدی


خلوت ده چکوب نقشی وی نقاش زمانه
هر کس گوره بی شک دیه الله بو نه خالدی


لب غنچه دی گوزلر پیالا گاش کمانی
شیرین سخنیم صحبت اده صحبتی بالدی


سن گل بو گلستانه اولوب عطری وریبسن
سن سیز بو باغین میوه سی یوخ هامیسی کالدی


بیلمم کی بشر یا کی ملک یرده گزیردی
افسوس اولا کی صاحبی وار اوزگیه یاردی


یاز سنگ صبور عالم عشق منطقی بیلمز
عاشق گوزی یاشلی اوره گی داعمه قاندی
جوادالماسی (سنگ صبور)