سنون عشقونده گجه تا صبحه جاق آغلامیشام
سارالان گوللریمه باخیب اورک داغلامیشام


گجه آی گلمیشیدی سوندیره غم نن اورگیم
آیینان یادو وی بیر یرده قوناق ساخلامیشام


نجه بلبل دویا بیلمز بو چمنن گوزه لیم
فلک آلدی سنی مننن ولی من دویمامیشام


غم یلی اسدی خراب ایلدی آباد اوُومی
نَقَدر غم بو اورک یاره ِیدی ؟ سایمامیشام


بلبلم قول قنه تیم سیندی بی صیاد الینه
آچمیشام یاره لی قلبیم سورادان باقلامیشام


کیم دییر گَر گِده گوزدن پس اورکدن گِدر
یادون اَینیمدَه قالیبدور نَِیه من سویمامیشام


اولمیشام سنگ صبور غم کَدریم چوخدی گولوم
گَه اولوب بلبل و گَه بایقوش اولوب بانامیشام
جواد الماسی