گر اولا بیر گون گله ، نقاش اولام دنیایه من
بی سینیق قلبی لرین ، دردینه درمان چکرم

بی وفا انسان لارین ، یوخدور صداقت دن اثر
من وفا سیز دوست، لارا بیر خیردا زندان چکرم

ایت می یوب دنیا وفا، نوح و سلیمان تختی نه
من ولی بو عکسیده ،حرمتلی میزبان چکرم

پولونا فخر الین نر ، یا کی یوخسوز بشری
ایکی سین با هم برابر ، ولی انسان چکرم

فرقی یوخ ظالم اولوب ،ظلم اده سن گیتمه لیسن
چهره ظالمی من ، عکسیده شیطان چکرم

حق پامال ایلییوپ، وجدانو وه لای لای دیمه
بی مروت انسانی ، من شکل حیوان چکرم

گر اولا هر قلبیده ، مهر و محبت مشتری
من بدون شک جهانی ، چون گلستان چکرم

جواد الماسی