نازلی نگاریم ...
نازلی نیگاریم....
جانیـما نازلی نیگاریم سنی جانان ائله دیم
سن گئلن یولارا من جانیـمی قربان ائله دیم
شاعر اولدوم کی یازام عشق و محبت سوزونی
بیلیـسَن شعــرلــریمده سنی عنـوان ائله دیم
هامی آتسین منی گوزدن حالیمافرق ائله مز
چون سنون عشقووی من سینه ده مهمان ائله دیم
هرکسین بیر کسی اولسا کی اونا فخر ائلیه
من سنی قلبیمه فرمانده و سلطان ائله دیم
حـاجتیــم یـوخدی طبیبه کـه منه نسخـه یازا
من قوجاغوندا هامی دردیمه درمان ائله دیم
دونن آخشام یادیما دوشدی گئچن خاطره لر
آغلادیم گوده اوچان قوشلاری پشمان ائله دیم
سن منه گوده کی آیسان ،یوخ اُو آیداندا گوزل
اوزومی گول سنیده بـو گوله گلدان ائله دیم
یازیـرام سنگ صبـورام وار امیــدیم سنی ده
عاقبت شاعر و سرمست و غزلخوان ائله دیم
#جوادالماسی(سنگ صبور)
@javadalmasi59 کانال اشعار
+ نوشته شده در چهارشنبه ۱۰ شهریور ۱۴۰۰ ساعت 9:25 توسط سیدمحمدمهدی هاشمی/شاعر جواد الماسی
|
