زبانحال امام حسین با حضرت زهرا
زبانحال امام حسین با حضرت زهرا
«دئمیرم اصغریمین جانی چیخان وقتیده گل»
قلبیمی تیر غم و غصه سیخان وقتیده گل
آرنیمین داش یاراسیننان قان آخان وقتیده گل
نظرون اولسا ننه کرب و بلایه گلئسن
دوشمنیم قولسوز ابالفضلی ییخان وقتیده گل
دئمیرم اکبریمین قانه باتان وقتیده گل
گوزومون یاشینی قانیله قاتان وقتیده گل
خیمه لر غارت اولان یا کی یانان وقتیده گل
نظرون اولسا ننه کرب وبلایه گلئسن
علقم اوسته گوزونه اوخ ویریلان وقتیده گل
دئمیرم لاله لرین رنگی سولان وقتیده گل
خیردا قیزلاریمی آواره اولان وقتیده گل
یا رقیه الی قویننوندا قالان وقتیده گل
نظرون اولسا ننه کرب و بلایه گلئسن
با ادب قارداشیمین جانی چیخان وقتیده گل
#جوادالماسی(سنگ صبور)
@javadalmasi59 کانال اشعار
+ نوشته شده در جمعه ۶ تیر ۱۴۰۴ ساعت 13:31 توسط سیدمحمدمهدی هاشمی/شاعر جواد الماسی
|
