سولان گول..
سولان گول ...
بـاغچـالاردا قیـزیـل گـوللر سولاندا
آخشام چاغی ئیشیغلی گون باتاندا
گئجــه گلیـب بــو عـالمی تــوتـاندا
غوصه و غـــم قلبی لری سیـخاندا
منیده بیـر یـاده سالــون آ دوسلار
بیــرحـالیـمی خبــر آلون آ دوسلار
ناحـق گلیب حـق یـرینی توتاندا
دیـل یـاراسی عـزیـزلروز ویراندا
شبنم کیمین گوزدن یاشوز آخاندا
اوز ئـووزده غریـب اولان زماندا
مننده بیـر یـاد ئلییــون آ دوسلار
اورگیـمی شـاد ئلییــون آ دوسلار
سینه لـره خنجــر دوسلار وراندا
دوزو یئییب دوزقابی سیندراندا
حسرت داغـی قلبـوزی یـاندراندا
سنگ صبور اورک سوزون یازاندا
پیس حالیمی درک ئلییون آ دوسلار
سورا منی ترک ئلییون آ دوسلار
#جوادالماسی(سنگ صبور)
@javadalmasi59 کانال اشعار
+ نوشته شده در پنجشنبه ۲۷ آبان ۱۴۰۰ ساعت 15:26 توسط سیدمحمدمهدی هاشمی/شاعر جواد الماسی
|
